ኣውራ ደሮ!

ቀኑን ያለቀበት

ኣውራ ዶሮ

ቁንጩን ሺቅብ ገትሮ

ኣቦራ ሲረጭ ጭሮ ጭሮ:

እንደ ቢራቢሮ:

ቀይ ብጫ ኣረንጓዴ ክንፍን ገትሮ:

ፈክሮ ፈክሮ:

በስማይ ከንፎ በሮ

ጏሮ ለጏሮ ተሽከርጅሮ

ማን ኣለ ከኔ ሌላ ዘንድሮ

ሄደ ሊዋጋ ከቀበሮ

ለምን ቅምጢትዋን በላህብኝ ብሎ::

መስሎት እንደኣመሉ እንደወትሮ:

ቀንዝሮ ቀንዝሮ

ሲደፈጥጥ እንስትዋ ደሮ

ጫጭቶችዋን ኣባሮ::

እየተዝመገመገ ቀበሮ ጉድጋድ ጥልቅ

የጭን ገረዲቱን ሊነቅ::

ታድያ ቢጠብቅ: ቢጠበቅ

እግረኛ ሠራዊት እርሱን የሚያደንቅ

ኣሸናፊ ኣለቃ ከጉድጏድ ሊል ብቅ:

ቢጠብቁ ቢጠብቁ

እንካን ኣውራ ደሮ

ክንፍም አልወጣም ተስፈንጥሮ:

ለካስ የኖሩት እድሜ ልክ

በቅዠት መቀምቅ

ነገር ዓለሙ ጠንቀ ቅ

ብለው ሳያውቁ:

ኣውራ ደሮው ትልቁ

እዝያው ከጉድጏድ ድብን ብሎ ማለቁ:

እውኑን ካረጋ ገጡ

እግሬ ኣውጪን ብለው ፈረጠጡ

ለረዥም ሲያላግጡ ሲሸላምጡ

ሳያስቡት ለካስ ሞትም ኣለ ብለው ደነገጡ::

ያሬድ ሕሉፍ