የ ዮሃንስ ታማኝ … ውድ የአገሩ አገልጋይ
ራእሲ ኣሉላ ኣባ ነጋ … ወዲ እንግዳ ቁቢ
ናይ ትግራይ ተንቤን … ዙቁል ወርቂ ፍራይ
ፍትህን የማያዛባ … ሁሉንም በአንድ አይን የሚያይ
የጥቁራች ኩራት …የአፍሪካው ጄኔራል
የኢትዮጵያን ስም ያስጠራ … በመላው አለም ላይ
የጉራዕና ጉንደት፣ የኩፊት የዶጋአሊ
የሰሀጢ አምባላጀ፣ የመቐለ ዓድዋ … ድል ሀሌም አብሳሪ
ማንም የማይክደው … የተዋጣለት ሰመ ጥሩ የጦር መሪ …
ለወዳጆቹ መሬት … ለጠላቶቸ እሬት
ራስ ኡሉላ አባነጋ … በል ይሄንን ጉድ ስማ
አንተ … ኢትዮጵያ ኢትዮጵያን
ኢትዮጵያ ኢትዮጵያን ጠብቀህ … ከመሬት ስትገባ
ኢትዮጵያ እያለ የሚሰብክ መሪ … ከሀዲ ባንዳ ነግሷል
መች መንገስ ብቻ … ጦርነትና መዐት ግፍና ረሀብ …
ባዕድ አገር ጋብዞ … ትግራይን አውድሟል
መች ይሄ ብቻ … ኧረ መች ይሄ ብቻ
በኩራት በእብሪት … በንቀት በዝቅጠት
ትግራይን በሻሻ … አደርኳት ብሎም ለአለም አውጇል ።
ሰማህ ውይ አሉላ ?
የኢትዮጵያ መዐረግ … የጅግኖች መለኪያ
ይሄንን ብነግርህ … ልብህ ይሰበራል
ከጣሊያን ግፍ የሚያስንቅ … ትግራይ ምድር ላይ ወርዷል
ከሰሜን ጫፍ … እስከ ደቡብ ጫፍ ኢትዮጵያ …
ከምዕራብ ጫፍ … እስከ ምስራቅ ጫፍ ኢትዮጵያ …
ሁሉም አንድ ሆነው … ትግራይን ወግተዋል …
… ትግራይን አውድመዋል
ቄስና ጻጻሱ ሼክና ፓስትሩም … ለእምነት ሳይግዙ
… ጦርነቱን ባርከው … ዝመት ክተት ብለዋል
ኣሉላ … ንገረው ለባሻይ ኣውኣሎም
ንገራቸው … ለሁሉም
ትግራይ የትውልድ አገርህ … እጅጉን ቆስላ ደም ታነባለች
ህዝቧ ተፈናቅሎ … የሚበላው አጥቶ ስደት ላይ ይገኛል
ምኑን ትቼ … ምኑንስ ልንገርህ …
ልጆችህ በነፍሳቸው … በእሳት ተቃጥለዋል
ሴቶች ልጆችህ … በመንጋ ተደፍረዋል
ስማህ ወይ አሉላ?
ግን ብዙም ያን ያህል … አደራ አንዳትቆጭ …
የልጅ ልጅ ልጅ ልጆችህም … እንቢ ለባርነት
እንቢ ለፋሺስቶች … እንቢ ለባንዳዎች ብለው
ፊት ለፊት ጦር ገጥመው … ለእናት ትግራይ ሲሉ
… የጀግኖች ሞት ሞተዋል ።
ራዕሲ ኣሉላ ኣባ ነጋ .. ወዲ እንግዳ ቁቢ …
ምትነሳ ከሆነ … ሳትዘገይ ተነሳ
ትግራይ ተሸራርፋ … ትግራይ ተቆራርሳ
ትግራይ በደላሎች … ተሽጣ ሳትጠፋ
ተነሳ ተነሳ … አሁኑኑ በፍጥነት … ተነሳ ነፍስ ዝራ ።
መታሰቢያነቱ የማይገባውን ግፍ ለወረደበት ለትግራይ ህዝብ ይሁን!
Eyob Gidey 02 Mar 2024