Archive – Aiga News

መሪ ቃል፥ "እንዲህም ሆነ፤ ኢያሱ በኢያሪኮ አጠገብ ሳለ ዓይኑን አንሥቶ ተመለከተ፥ እነሆም፥ የተመዘዘ ሰይፍ በእጁ የያዘ ሰው በፊቱ ቆሞ ነበር፤ ኢያሱም ወደ እርሱ ቀርቦ፥ ከእኛ ወገን ወይስ ከጠላቶቻችን ወገን ነህን? አለው። እርሱም፥ አይደለሁም፤ እኔ የእግዚአብሔር ሠራዊት አለቃ ሆኜ አሁን መጥቼአለሁ አለ። ኢያሱም ወደ ምድር በግምባሩ ተደፍቶ ሰገደና ጌታዬ ለባሪያው የሚነግረው ምንድር ነው? አለው (ኢያሱ 5፥13)። መልዕክቴ ግልፅ ነው፥ የትግራይ ሠራዊት ግዴታና ኃላፊነት ከዚህኛው ወይንም ከዛኛው ቡድን መወገን ሳይሆን ይልቁንም የትግራይ ህዝብ ደህንነትና ህልውና መጠበቅና የትግራይ ብሔራዊ ጥቅም ማስከበር ነው። እንዴት? ለትግራዋይ የሚመለከት ይሆናል።

1. በጽሑፉ አዘጋጅ ከዚህ ቀደም ለህትመት በበቁ መፃህፍት ሆነ በዚህ ፅሑፍ ውስጥ ፀሐፊው "የትግራይ ብሔራዊ ጥቅም" ለሚለው በተለምዶ ሲነገር የሚሰማ ቋንቋና አገላለጽ የተሰጠው ትርጉምና አንድምታ የፀሐፊው የግል እምነትና አስተሳሰብ የሚመነጭ ሲሆን በፊቺ ደረጃም እንደሚከተለው ያስቀምጣል። ይኸውም፥ የትግራይ ብሔራዊ ጥቅም መከበር ወይም መጠበቅ ሲባል የሽንኩርና የጨው በርበሬ ጥያቄ ሳይሆን በዋናነት የትግራይ ህዝብ ህልውናና ደህነነት መጠበቅ ነው። የትግራይ ብሔራዊ ጥቅም ሲባል የትግራይ ህዝብ በብዙ ፈተና ውስጥ እያለፈና ህይወቱን እየገበረ ለሺሕ ዘመናት ይዞት የመጣና ዛሬም ድረስ የዘለቀ፥ የትግርኛ ቋንቋ፣ ባህል፣ ስልጣኔ፣ ታሪኩና ማንነቱ ጠብቆ እንደ ህዝብ የመቀጠልና ያለመቀጠል ጥያቄ ነው።

2. የትግራይ ህዝብ ፍላጎትና መሻት (ጥያቄ) ሲባልም እንደ ከዚህ ቀደሙ ለፖለቲካ ፍጆታ ሲባል፥ የህዝብ ውክልኛ አለኝ፣ በህዝብ የተመረጥኩ መንግስት ነኝ፣ ገዢ ፓርቲ ነኝ፣ በደም የመጣሁ ነኝ ወዘተ የሚለው የህወሓት መሪዎች የማጭበርበሪያ ቋንቋዎችና ስልቶች እየተሳበበ የሚገለጽ ሳይሆን ይልቁንም የትግራይ ህዝብ ፍላጎትና መሻት የሚታወቀው፥ የትግራይ ህዝብ ፍላጎትህ ምንድ ነው? ተብሎ ተጠይቆ በሚሰጠው ህጋዊና ይፋዊ ድምጽ ማለትም በህዝብ ድምፀ ውሳኔ (ሪፈረንደም) ብቻ ይሆናል። ጌታቸው ካሕሳይ ረዳ አሁን በዚህ ሰዓት የሚወክለው ራሱን ነው። ገፋ ቢል ደግሞ ስልጣን ላይ ያስቀመጠው የህወሓት ፓርቲን ለጥቆም ስትጠራው አቤት! ለሚላት ኢትዮጵያ ነው የሚወክለው። በተረፈ፥ በእውቀት ይሁን ባለማወቅ፣ በድፍረት ይሁን በስህተት የትግራይ ህዝብ ፍላጎትና መሻት "ሰላም ነው፣ ልማት ነው" እየተባለ በትግራይ ባለስልጣናት የሚነዛው አፈዝ አደንግዝ እዚህ ጽሑፍ ውስጥ ቦታ የለውም። አንድም፥ ሰላምና ልማት የሚጠላ ህዝብ ሆነ ግለሰብ የለምና። ሰላምና ልማትም ቢሆን ግን መኖር ሲቻል ነው። እኔ ያልኩት ካልሆነ በቀር በማለት ትግራይ ውስጥ የህዝብ ሰላምና ልማት እንዲኖር የማይፈልግ ቢኖር ደግሞ የህወሓት መሪዎች ብቻ ናቸው።

ሐተታ፥ በፖለቲካ ዓለም ውስጥ፥ አንድ ማህበረሰብ እንደ ህዝብ ምን እንደሚፈልግ ቃሉን በተግባር አስደግፎ በግልጽ በይፋ የመግለጽ ፍላጎት ሆነ አቅም ከሌለው የዚህ ዓይነቱን ማህበረሰብ ዕጣ ፈንታ አስመልክቶ በተጨባጭ ይህ ነው ማለት የሚቻል አይሆንም። በዚህ ዙሪያ በደፈናው የሚሰጥ የትኛውም ዓይነት ፖለቲካዊ ትንተናና ሐተታም ቢሆን ከንቱ ልፋት ነው የሚሆነው። ከፍላጎትና ፍላጎቶችህን ገንዘብ ከማድረግ ጋር በተያያዘ፥ ሰዎች በግልም በቡድንም የመኖራቸው ምክንያት ምን እንደሆነ፣ የእኔ ነው የሚሉትን መሻትና መዳረሻ ለምንና እንዴት? የራሳቸው እንደሆነና ገንዘባቸውን ስለሚያደርጉበት መንገድ በተመለከተም ግልፅ የሆነ እምነትና አቅጣጫ ከሌላቸው የሚመኙትን ሁሉ እንደ ፀሐይ ከዋክብት ብሩቅ ይመለከቱት እንደሆነ ነው እንጅ ፍላጎታቸውን ሊያሳኩ አይችልም። አንድም፥ ምን ይሁን ምን ስኬትና ውጤታማነት መጀመሪያ በሃሳብ ደረጃ ይፀነሳሉ ቀጥሎም የተረገዘውን ሃሳብ በማወለድ ማለትም የሚጠይቀውን ዋጋ ሁሉ በመክፈል ወደ ተግባር በመግለጥ እውን የሚሆኑ ነገሮች ናቸው። ከዚህ ውጭ ሊኖር የሚችለው ደመ ነፍሳዊ አካሄድ የሦስተኛ ዓለም ፖለቲካ ነው ሊሆን የሚችለው። ግለሰቦች ስልጣን ላይ ይወጣሉ በቆይታቸውም በህዝብና በአገር ስም ህዝባቸውን እያደናገሩና እያወናበዱ ከህዝብ በሚሰበሰበው ታክስ የሚገኝ የመንግስት ደመውዝ እየቀረጠፉ እንዲሁ እንደነገሩ ኖሮውና ህዝብን አልፍተው ያልፋሉ።

የድህነቱ ጥልቀትና ስፋት ድህነቱን ያስረሳው ኋላቀር የትግራይ ፖለቲካ የዚህ አባባል አንዱ ምሳሌ ነው። ድህነት፥ በተለይ ከድሃ ቤት ተወልዶ፣ በድህነት አድጎ፣ ከድሃ አደግ ማህበረሰብ ያገኘውን ሁሉ እየመነተፈ ድህነቱን የረሳ አመራር ላይ ሲሰለጥን ድህነት አደገኛ የሚያደርገውም እዚህ ላይ ነው። ከምፅዋት ተላቆ መኖር የማይችል፣ አይደለም አገር በቀል ሃሳብ ይዞ ሊመጣ ቀርቶ የሰው አገር ሰዎች የላቀ አስተሳሰብ ተጠቃሚ መሆን አቅሙ የማይፈቅድለት፣ ድሃና በክት አመራር ሆኖ ሳለ፥ በምላሱና በምናቡ ብቻ ዓለም በመዳፉ ውስጥ የጨበጣት ያህል ሆኖ የሚሰማው፣ በውሸት ሪፖርት ዩቶፒያ ትግራይ ፈጥሮ ህዝብን በድህነትና በችጋር የሚፈጅ፣ የህወሓት መሪዎች ዓይነቱ ኃላፊነት የማይሰማው ምንደኛ የሆነ አመራር ነው የሚፈጥረው። ነገሬን ለማሳጠር ያህል፥ የትግራይ አሁናዊ ተጨባጭ ሁኔታ በሚመለከት ሁለት መነሻ ሃሳቦች/ነጥቦች ከነውሱኑነታቸው እንደሚከተለው በግርድፉ ላስቀምጥ። አንድ፥ የትግራይ አቅጣጫ በነበረችበት የኢትዮጵያ አካል ሆኖ መቀጠል በሚመለከት ሲሆን፤ ሁለተኛው፥ ትግራይ ከኢትዮጵያ ጋር የሚኖራት ግኙንነት በአዲስ መልክ የመቃኘት መንገድ የሚመለከት ይሆናል (ይህ አገርነት የሚጨምር መንገድ ይሆናል)። አሁን ወደ ዝርዝሩ እናዝግም።

አንደኛ፥ ትግራይ የኢትዮጵያ ክልል ሆና በነበረችበት የማስቀጠል ህወሓታዊ መንገድ። እዚህ ላይ፥ ስልጣንና ጥቅም ላይ የተንጠለጠሉ የህወሓት መሪዎች አቋም የለሽ አስነዋሪ ባህሪይ እንዳለ ሆኖ፥ የትግራይ ህዝብ ፍላጎት ስም ብቻ ይዘው በቀሩ በከሰሩ የህወሓት መሪዎች የሚወከልና የሚገለጽ ከሆነ ግን (እንዳይደለ ባውቅም) የትግራይ መፃኢ ዕድል በተመለከተ በርግጠኝነት መናገር የሚቻለው የትግራይ ዕድል ፈንታ ከኢትዮጵያ ጋር መሆኑን ነው። አንድም፥ የህወሓት መሪዎች መሰረታዊ ፖለቲካዊ አስተሳሰብ የሚያጠነጥነው፥ የትግራይና

የትግራይን ህዝብ ብሔራዊ ጥቅም ማዕከል አድርጎ የሚነሳ ሳይሆን ይልቁንም ትግራይና የትግራይን ህዝብ እንደ ጋሻና እንደ መሰላል በመጠቀም ወይንም ትግራይና የትግራይን ህዝብ እንደ ማስፈጠሪያ ስፕሪግ በመጠቀም ስልጣንና ጥቅም ባሉበት ስፍራና አከባቢ እያነፈነፉ መስፈፍ ላይ የሚያጠነጥን ኃይል መሆናቸውን ለሁሉም ትግራዋይ ግልጽ ሊሆን ይገባል። እንግዲያውስ፥ ትናንት ለትግራይ ህዝብ ሞትና እልቂት ያመጣ የትግራይ የፖለቲካ አመራር መገለጫ ባህሪይ ይህ ነው፥ በቀጣይም ቢሆን ለትግራይ አደጋ ሆኖ የሚቀጥለው ይህ ዓይነቱ የትግራይ የፖለቲካ አመራር የስስት ባህሪይ ነው። በመሆኑም፥ የትግራይ ህዝብ አቅም ፈጥሮ አንድ ነገር ካላደረገና የትግራይ የፖለቲካ ዓውድ ከህወሓት መሪዎች እጅ እስካልወጣ ድረስ ትግራይ የኢትዮጵያ አካል ሆና ትቀጥላለች። የህወሓት መሪዎች በህይወት እያሉ ትግራይ የሀገራዊነት ጥያቄ አንስታ ልታሳካ አትችልም። የሚያስገዳቸው የውጭ ሃይል የተፈጠረ እንደሆነ ግን የህወሓት መሪዎች የትግራይ የሀገራዊነት ጥያቄ አጀንዳ አድርገው የማያውለበሉብበት ምክንያት የላቸውም። እህቱና እናቱን አባቱንና ወንድሙን በኢትዮጵያና በኤርትራ ሰራዊት በግፍ ሲገደሉና ሲደፈሩ አይቶ ለትግራይ ነፃነት፥ ሀገረ ትግራይ! ብሎ የወጣ የትግራይ ወጣት የህይወት መስዋእትነት እንደ መርገም ጨርቅ ተጥሎና ቁጥር ሆኖ የቀረው ሌላ የማይታወቅ ምክንያት ኖሮ ሳይሆን፥ የህወሓት መሪዎች ለዘመኑ የማይመጥን ኋላቀር ፖለቲካዊ እምነትና አስተሳሰብ የተነሳ ነው።

አሁንም ሁሉም ትግራዋይ ማወቅ የሚገባው ነገር ቢኖር (ነገሮች አሁን ባሉበት ከቀጠሉ)፥ በትግልዋ ፈጽማ ከመጥፋት የተረፈችው ትግራይ መጪዋ የኢትዮጵያ ክልል ሆና መቀጠል እንደሆነ ማወቁ በእውነቱ ነገር ይበጀው እንደሆነ እንጅ አይፈጀውም። ቀለል ባለ አማርኛ፥ ጌታቸው ካሕሳይ ረዳ እያስታመማት ያለችው ትግራይ ከእንግዲህ ወዲህ በህልምዋ ነው በውንዋ ማለም ሆነ ማሰብ የምትችለው እንደ ክልል ብቻ ነው። ከዚህ ውጭ ያለ ሁሉ ምኞትና ክንቱ ልፋት ሲሆን፥ የአፍሪካ ቀንድ በዜና በተነሳ ቁጥር የትግራይ ባንዴራ ማውለብለብና እኛም አለን! እየተባለ ጥራዝ ነጠቅ ቃላቶችና አባባሎች ማወራጨት በእውነቱ ነገር ቀልድ ብቻ ነው ሊሆን የሚችለው። ይህም ቢሆን ኢትዮጵያ የህግ የበላይነት አክብሮ የሚያስከብር ጠንካራ ማእከላይ መንግስት እስክትመሰርት ብቻ ነው። የለም! እየተበጣበጥቁ እኖራለሁ የሚል ትግራዋይ ካለ ደግሞ ድህነትና ችጋር ውስጥ መኖርን የመምረጥ ያህል ነው የሚሆነው። በዚህ የህይወት ምርጫ የሚጎዳ ደግሞ የውሃ ሆነ የመብራት፣ የቤት ሆነ የምግብ ዕዳና ችግር የሌለበትና የማይኖርበት ጌታቸው ካሕሳይ ረዳ ሳይሆን ድህነትና ችጋር የሚቆላው እርስዎን ነው (ሰፊው ህዝብ)። ጥጉ፥ የህይወት መስዋእትነት ከፍለህ በፈጠርከው ዕድል ተጠቃሚ ሳትሆን ቀርተህ ዕድሉን ሲያመልህ እንዳመለጠው ሰው እርምህን አውጥተህ መኖር እንጅ ያመለጠህን ዕድል አጠገብህ እንዳለህ እያሰብክ እየተበጣበጥክ መኖር ትርጉም እንደሌለው ታውቆ ትግራዋይ በህግና በስርዓት ለመኖር ራሱን እንዲያመቻች ይመከራል። አንድም፥ እኔ ለራሴ ህግና ስርአት ባለው አገር ተደላድዬ እየኖርኩ ለእርስዎ ያልተገባ ምክር መስጠት ሆነ መለገስ ፈጣሪ አይወደውምና።

ወደ ሁለተኛው ነጥቢ ከመሄደ በፊት፥ የኢትዮጵያ አካል ሆና ለመቀጠል የምትገደደው ትግራይ አሁን ካለው የኢትዮጵያ ተጨባጭ የቀውስ ፖለቲካ እንዴት ተጠቃሚ ትሆናለች የሚለውን ለማንሳት እወዳለሁ። እዚህ ላይ አንድ ነገር ግልጽ ላድርግ። ይኸውም፥ ዐቢይ አህመድ ዓሊ ሆነ ኢትዮጵያ የምትባለው ያለችው ሀገር ህልውናቸው በኢቲቪ፣ በዋልታና በፋና የቴሌቪዥን መስኮን ላይ የተንጠለጠለ ለመሆኑ የሚጠራጠር አይኑር። አቅማቸውም በሚመከለት፥ ዐቢይ አህመድ ዓሊ ሆነ ኢትዮጵያ እንደ አገር አሁን በዚህ ሰዓት በዚህ ደረጃ ትግራይን የመግታት አቅም ኖራቸውና አጥርተው ሳይሆን ይልቁንም ትግራይን በዚህ ደረጃ እያደቀቃትና አማራጮችዋም እያጠበበ ያለ ስልጣንና ጥቅም የማያስችለው የህወሓት መሪዎች ጉባኤ እርስበርሱ በመጠፋፋት ላይ በመጠመዱ ነው። ትግራይ፥ የውስጥ ፖለቲካዊ ችግራዋን ፈትታ እንደ ግዛት የቆመች ዕለት ታድያ የትግራይ ህዝብ ቁጥር አስር ጊዜም ይነስ እኩል ከኦሮሞና ከአማራ ሃይሎች ጋር ተደራድራ የኢትዮጵያ ፖለቲካዊ ስልጣንና ኢኮኖሚያዊ ጥቅም እኩል ተካፋይ የመሆን ዕድልዋ 100% ክፍት ነው። ይህ ታድያ ቢሆን የሚጠላ ሰው አይኖርም፤ በአመዛኙ ግን ከነተረቱ፥ ላም አለኝ በሰማይ ወተትዋንም አላይ! እንደሚባለው ነው።

ሁለተኛው፥ ትግራይ ከኢትዮጵያ ጋር የሚኖራት ግኙንነት በአዲስ መልክ የመቃኘት መንገድ ነው። ይህ የምለው ያለሁት የትግራይ ህዝብ ለህልውናውና ለደህንነቱ የከፈለው የህይወት መስዋእትነት የውሃ ሽቶ ሆኖ በቀረበት፤ ከነተረቱ፥ ግማታም ግማታምን ቢስመው አቤት ሽቶህ! ይባባላሉ እንደሚባለው፥ እነ ጌታቸው ካሓሳይ ረዳ ከእነ ዐቢይ አህመድ ዓሊና ሽመልስ አብዲሳ ችርስ! ተባብለው የንጹሐን ደም ደመ ከልብ ሆኖ እንዲቀር በተደረገበት ማግስት መሆኑን ይገባኛል። ያም ሆነ ይህ ግን፥ የትግራይ ህዝብ የልጆቼን ህይወት የገበርኩለት ዓላማ አለኝ! በማለት ነጮች “You never let a serious crisis go to waste” እንደሚሉት፥ የትግራይ ህዝብ ከእንቅልፉ ነቅቶ እንደገና ራሱን በመቀስቀስ አለኝ! ለሚለው ዓላማ መሳካት የአጋጣሚዎች ተጠቃሚ በመሆን ቀጣይ ፖለቲካዊ ትግል ለማካሄድ ተነሻሽነት ካሳዬ ይሄው ኢትዮጵያ በገዛ እጃዋ “የባህር በር ያስፈልገናል" ስትል እየሄደችበት ያለ መንገድ ለራሱ ጥቅም እንዲያውለው ይምከራል። በርግጥ፥ በኢትዮ-ኤርትራ ጉዳይ የትግራይ አቋምና አቅጣጫ በተመለከተ (ኢያሱ 5፥13) እዚህ በአደባባይ የሚሰፈር የሚሰጣ ጽሑፍ አይኖሮም። በዚህ ጽሑፍ ውስጥ የተካተተ መነሻ ሃሳብም ቢሆን እንዲሁ ሰፊውን ህዝብ ግምት ውስጥ ያስገባና ለአደጋ በማያጋልጥ መልኩ የተቃኘ ጽሑፍ ብቻ ነው ሊሆን የሚችለው። አንባቢም ይህን እንደሚረዳ ተስፋ አደርጋለሁ። አሁን ወደ ፍሬ ሃሳባችን እንሂድ።

ነገ መበላቱ ላይቀርለት፣ ለጥቂት ጊዜም ቢሆን የሚቆይ የስልጣንና የጥቅም አጀንዳ ላለው የትግራይ ወታደራዊና ፖለቲካዊ ባለስልጣን አሁን በዚህ ሰዓት አታላይቱ ኢትዮጵያ የምታቀርብለት ማደለያ የሚታለፍ አይሆንም። ዐቢይ አህመድ ዓሊ፥ የጎረቤት አገራትና መንግስታትን አስተባብሮ በትግራይ ህዝብ ላይ ወረራ የፈፀመ እሱ ራሱ ሆኖ ሳለ "ሰሜን ዕዝ ተደፈረ" የሚል የሐሰት ትርክት ፈጥሮ ኢትዮጵያውያን "የትግራይ ህዝብ ጠላት ህዝብ ነው፤ ሰይጣን ይሻለናል!" እያለ የትግራይን ህዝብ ለመጨፍጨፍ ባነሳሳበት ተመሳሳይ መንገድ፥ "የባህር በር ያስፈልገናል" ሲል በይፋ የጎሰመው የጦርነት ነጋሪት ሰምቶ፥ ግፋ በልው! እያለ ጦርነቱን ደግፎ የሚቆም ህዝብ

ትግራይ በተመለከተም በተመሳሳይ፥ ዐቢይ አህመድ ዓሊ በኤርትራ ላይ ጦርነት ለመክፈት እያኮበኮበ ሲያበቃ ከትግራይ ጋር በእልህና በፀብ መንፈስ ትግራይ ከጎኒ ሊያሰልፍ አይችልምና ትግራይን ለመደደለል ምናልባትም ከዚህ ቀደም በጀመረው "የፍትህ ሽግግር" የሚል የሸፍጥ ፖለቲካ አሳቦ ሆነ በሌላ መንገድ አንዳንድ ጥቅማ ጥቅሞች እዚህም እዚያም ጣል ጣል በማድረግ፣ የኤርትራ ሰራዊት በትግራይ ህዝብ ላይ የፈፀመው ግፍና በደል እያራገበም የትግራይ ህዝብ ለማወናበድና ለማለሳለስ ሽርብትን ማለቱ የማይቀር ነው። ከዚህ የተነሳም፥ ትግራይ ዛሬ ከኢትዮጵያ ጎን ቆማ ኤርትራን ብትወጋ፥ በርግጠኝነት ኢትዮጵያን የባህር በር ባለቤት ታደርጋለች (በሃይል የሚገኝ የባህር በር ካለ፤ እንዲሁም፥ የዓለም ማህበረሰብ ዓይቶ እንዳላየ ሆኖ ዝም ካለ)። የዐቢይ አህመድ ሌላኛው አማራጭ በጦርነት ኢሳይያስ አፈወርቂን አስወግዶ የአራት ኪሎ ምስሌነ አስመራ ውስጥ በማስቀመጥ አሰብም ቢሆን በስምምነት የማግኘት ፍላጎት ካለው ይህም ቢሆን እንዲያሳካ ትግራይ ትረዳዋለች። በርግጥ፥ ትግራይ የዚህን ዓይነቱ ዕብደት ውስጥ የምትገባው ታድያ የዐቢይ አህመድ ዓሊ ምስሌነ ሆኖ አስመራ ቤተ መንግስት የሚቀመጠው አገረ ግዢ ለትግራይ ህዝብ የሚያመጣው መዘዝና መዓት ዓይንዋን ከፍታ ማየት የተሳናት እንደሆነ ብቻ ነው። አንድም፥ ምስሌነ ምንጊዜም ምስሌነ ነውና። ኢትዮጵያ ውስጥ የፈለገውን ሰላም! ወርደዋል ተብሎ ይዘመር ይዘፈን፥ ትግራይ በዐቢይ አህመድ ዓሊ የሚመራ የኦሮሞ መንግስት ቁጥር አንድ ስጋት ናት፥ እንዲሁ እንደሆነችም ትቀጥላለች። የኦሮሞ ሰዎች የዘወርት ስጋት ትግራይ ናት። በመሆኑም፥ ትግራይ ዐይንዋ እያየ ኤርትራ ውስጥ የዐቢይ አህመድ ዓሊ ምስሌነ መንግስት እንዲፈጠር ልትተባበረው ቀርቶ የምትፈቅድ ከሆነች አደጋ ነው። ዝርዝሩ ውስጥ ባልገባም ትግራይ በነገር ፖለቲካ ያልበሰለውን የበሻሻ ሰው ዐቢይ አህመድ ዓሊን እዚህ ላይ ሿሿ የምትሰራበት ዕድል በዚያ ልክ ሰፊ ነው።

አሁንም፥ ትግራይ ከኢትዮጵያ ጎን የምትቆም ከሆነ፥ ኢትዮጵያ የትግራይ ሰራዊት ተማምና በኤርትራ ላይ እየጎሰመችው ያለ ጦርነት በአሸናፊት ታጠናቅቃለች። ሐቁ፥ አሁን በዚህ ሰዓት ዐቢይ አህመድ ዓሊ ሆነ ኢትዮጵያ ያለ ትግራይ ሰራዊት ንብ የሌለው ቆፎዎች ናቸው። እምነት የማይጣልበት የበሻሻ ሰው ዐቢይ አህመድ ዓሊ በዚህ ደረጃ የላቀ አስተዋፅኦ ያላት ትግራይ ከጎኑ ለማሰለፍ ደግሞ የማይለውና የማይገባው ቃል አይኖርም። ይህ ሁሉ ግን ውሸት ነው፤ ሚራጅ ነው። የሚቀጥለው 30 እና 40 ዓመት ኢትዮጵያና የኢትዮጵያ ሰዎች ለትግራይ የሚሰጥዋት ሽልማት ማወቅ የሚገልግ የትግራይ አመራር ካለ ደግሞ ይሄው፥ ኢትዮጵያ የጎረቤት አገራትና መንግስታት አስተባብራ ኖቨምበር 4/2020 በትግራይ ህዝብ የፈፀመችው በሰብአዊነት ላይ የሚፈፀም የጦርና የዘር ማጥፋት ወንጀል ድጋሜ እንዲያስበውና እንዲመለከት ማሳሰብ ብቻ ነው የሚቻለው። ጎበዝ፥ ትግራይ ከኢትዮጵያ ጎን በመሰለፍ ኢሳይያስ አፈወርቂን በመጣል የምታገኘው ጥቅም የለም! አይለም የእኔ ሙግት ይልቁንም ዛሬ ከኢትዮጵያ ጎን መሳለፍ ማለት ቀጣይ የትግራይ ትውልድ በአውሬዋ ውለታ ቢስ ኢትዮጵያ እንዲበላ መፍቀድ ነው የሚሆነው እኔ እያልኩ ያለሁት።

የትግራይ ህዝብ፥ ኢትዮጵያ የጎረቤት አገራትና መንግስታት አስተባብራ የፈፀመችበትን ወረራ ለመመከት ያደረገው ጦርነት የህወሓት መሪዎች ምክንያት ቢሆኑም የተፈፀመብን ወራራ ለመመከት የገጠምነው ጦርነት እንደ ህዝብ የመኖርና ያለ መኖር ጦርነት መሆኑን፤ የወረደበት መዓት ድቡዳ ቢሆንም ብረት አንስቶ ከመታገል ውጭ ሌላ አማራጭና ምርጫ የሌለውና ሊኖሮውም እንደማይችል አምኖ የትግራይ ህዝብ ለህልውናውና ለደህንነቱ ሁሉንም ዓይነት መስዋእትነት ለመክፈል ዝግጁ በመሆን ቆርጦ በመታገሉ ደግሞ እነሆ ትግራይ በትግልዋና በመስዋእትነትዋ ህልውናዋና ደህንነትዋ ለማረጋገጥ በቃች። መጽሐፍ "ያልጠፋነው ከእግዚአብሔር ምሕረት የተነሣ ነው፤ ርኅራኄው አያልቅምና" እንዲል (ሰቆቃው ኤርምያስ 3፥22)፤ የኢትዮጵያ ሰዎች የልባቸው ሃሳብ ቢሰምርላቸው ኖሮ፥ የትግራይ ህዝብ ማለት በልባቸው ፈጽመን የጠፋን ህዝብ ነው። በጌታቸው ካሕሳይ ረዳ የሚመራ ህወሓት ሰምሮለት ትግራይ የኢትዮጵያ አካል ሆና ስትቀጥል የትግራይ ማህበረሰብ ከዚህ በልቡ ካጠፋን የኢትዮጵያ ህዝቦች ጋር አብሮ ለመኖር ነው። ይህ ማለት፥ አብረህ አትኑር አይደለም ይልቁንም አጠገብህ የቆመውና የተቀምጠው የኢትዮጵያ ሰው ከዚህ ቀደም በልቡ ያጠፋህና ሳይሳካለት ሲቀር አብረህ ለመኖር የተገደድክ መሆንህን ሳትረሳ፣ ለወደፊቱም ቢሆን ይህን ሐቅ አውቀህ ራስህን ጠብቀህ እንድትኖር እንጅ። ይህ ላይረሳ በእያንዳንዱ የትግራይ ማህበረሰብ አእምሮ ውስጥ ዘልአለም አለም እንደ ንቅሳት ታትሞ መቅረት ያለበት ሐቅ ነው።

በፈጣሪ ስራ ጣልቃ መግባት ነው የሚሆነው እንጅ ሰው፥ የኤርትራ ሰዎች ቆሻሻ ምላስ እየሰማ፥ ግድ የለም ይሁን! ብሎ ለማሳለፍ የሚከብድ ነው። ሰዎቹ መቃብር የሆነ አፋቸው በከፈቱ ቁጥር ግፈኞች ከመሆናቸው የተነሳ የኢትዮጵያ ዱላ ሲያንስባቸው ነው! ቢባል ጭካኔ አይደለም። ትግራይም ብትሆን አይደለም ቆማ መመልከት ቀርቶ፥ ኤርትራ ውስጥ ገብታም ቢሆን የኤርትራን ሰራዊት እንደ እባብ በሆዱ ብታስኬደው እና ኢሳያስንና በዙሪያው ያሉትን የኤርትራ ባለስልጣናት እንደ ጋዳፊ መንገድ ለመንገድ ብትጎትታቸው የትኛው ባለ ጤና አእምሮ ሰው ነው ትግራይ ይህን አደረገች ብሎ የሚፈርድባት? ማንም አይኖርም። በውጪው ዓለም የከተመ የኤርትራ ዜጋም ቢሆን፥ የሚያመጣው ላይኖሮው እንዲሁ እንደ ዘፈነና በጉራ እንደ ተቀደደ ይደክማል እንጅ ኤርትራውያን ከአሜሪካና ከአውሮፓ ሄደው የሚታደጓት ኤርትራ እንደሌለች፣ ልትኖርም እንደማትችል ሰውና ሰይጣን የሚያወቀ ግሃድ ነው። የትግራይ ህዝብ ሆነ አዲሱ የትግራይ ትውልድ ግን የኤርትራና የኢትዮጵያ ሰዎች በተጨማለቁበት በክት አስተሳሰብና ርካሽ ፖለቲካ ውስጥ የለም፤ ተፈልጎም አይገኝም። ጥጉ፥ ኤርትራ፥ የትግራይ ህዝብ በግዛቱ ውስጥ ባህሉና ማንነቱን ጠብቆ የመኖር ፍላጎት እጇን የማትሰድ ከሆነ የትግራይ ህዝብ ኤርትራ እንደ አገር የመቀጠልዋ ላይ ምንም ዓይነት ጥያቄ የለውም፤ ሊኖሮውም አይችልም።

ነው። እንደ ትግራዋይ አሁን በዚህ ሰዓት ለእኔ የሚያሳስበኝ እንዴት የራሴን/የትግራይ ደህንነትና ህልውና አስጠብቃለሁ? እንዴትስ የትግራይ ብሔራዊ ጥቅም እንዲከበር እሰራለሁ? እንጅ አፍ የሰጠው ሁላ ስለ ትግራይ ሰራዊት፥ ከየትኛው ወገን ይቆማል? እያለ ስለ የሚናገረው አይደለም፤ ሊሆንም አይችልም። ትግራይ ይህ ሁሉ ለማድረግ የሚቻላት ታድያ እንደ አሜባ እየተበጣጠሰ እርስበርሱ የሚጠፋፋ አመራር ይዛ ሳይሆን የበሰበሰውን አመራር ምንም ሊፈጥር እንደማይችል ታምኖበት አዲስ አመራር ወደ ፊት እንዲመጣ በማደረግ ይሆናል። “እነሆም፥ የተመዘዘ ሰይፍ በእጁ የያዘ ሰው በፊቱ ቆሞ ነበር፤ ኢያሱም ወደ እርሱ ቀርቦ፥ ከእኛ ወገን ወይስ ከጠላቶቻችን ወገን ነህን? አለው። እርሱም፥ አይደለሁም፤ እኔ የእግዚአብሔር ሠራዊት አለቃ ሆኜ አሁን መጥቼአለሁ አለ” የትግራይ ሠራዊት ግዴታና ኃላፊነት የትግራይ ህዝብ ደህንነትና ህልውና መጠበቅና የትግራይ ብሔራዊ ጥቅም ማስከበር ነው።

ኢትዮጵያ እንደ ሃገር ህዝቦቿ እንደ ህዝብ የሚፀፀቱበት ቀን

ኩነታት መዕርፎ ነፈርቲ ሃፀይ ዮሃንስ ፬ይ ኣኽሱም

ዘተ ፕረዚደንት ጌታቸው ረዳ ምስ ልኡኽ ጉጅለ ኔዘርላድስ

መለክዒ ተወከልቲ ካውንስል ትግራይ እንታይ ክኸውን ይግባእ?

ሕወሓት ካብ’ቲ ኣትያቶ ዘላ ዕንይንይ ክትወፅእ ትኽእል ዶ? ብኸመይ?

Tigray be pragmatic and rally behind the peace process

Dr. Debretsion Smokes A Cigar Laced With A Leper Saliva. And It Takes Extraordinary Courage.

Memhir Beyene Gerezgiher: The Man Who Is Inspiring A Generation.

Eritrea Tigray’s existential threat !

Tigray Needs Technocratic Interim Government Now

ኢትዮጵያ እንደ ሃገር ህዝቦቿ እንደ ህዝብ የሚፀፀቱበት ቀን

ኩነታት መዕርፎ ነፈርቲ ሃፀይ ዮሃንስ ፬ይ ኣኽሱም

ዘተ ፕረዚደንት ጌታቸው ረዳ ምስ ልኡኽ ጉጅለ ኔዘርላድስ

መለክዒ ተወከልቲ ካውንስል ትግራይ እንታይ ክኸውን ይግባእ?

ሕወሓት ካብ’ቲ ኣትያቶ ዘላ ዕንይንይ ክትወፅእ ትኽእል ዶ? ብኸመይ?

Posts Slider

ኢትዮጵያ እንደ ሃገር ህዝቦቿ እንደ ህዝብ የሚፀፀቱበት ቀን

ኩነታት መዕርፎ ነፈርቲ ሃፀይ ዮሃንስ ፬ይ ኣኽሱም

ዘተ ፕረዚደንት ጌታቸው ረዳ ምስ ልኡኽ ጉጅለ ኔዘርላድስ

መለክዒ ተወከልቲ ካውንስል ትግራይ እንታይ ክኸውን ይግባእ?

ሕወሓት ካብ’ቲ ኣትያቶ ዘላ ዕንይንይ ክትወፅእ ትኽእል ዶ? ብኸመይ?

African Ascent International

Tigray Genocide

Remarkable Bravery

“Tigray heals from its grief when we together fulfill the dreams and promises of our martyrs; onwards families of martyrs, the disabled, and the heroes will be the center of all political, social, and economic activities,” President Getachew Reda.

You have fallen not forgotten!

In Loving Memory of Tigray’s Fallen Heroes and Heroines

Peace and Justice for Tigreans International

You Missed These News

ኢትዮጵያ እንደ ሃገር ህዝቦቿ እንደ ህዝብ የሚፀፀቱበት ቀን

ኩነታት መዕርፎ ነፈርቲ ሃፀይ ዮሃንስ ፬ይ ኣኽሱም

ዘተ ፕረዚደንት ጌታቸው ረዳ ምስ ልኡኽ ጉጅለ ኔዘርላድስ

መለክዒ ተወከልቲ ካውንስል ትግራይ እንታይ ክኸውን ይግባእ?