እንታይ ይመስለካ?
ዘመናት አቁጺርና
ኻቭ አቀም ንላዕሊ ፀቕጢ በዝሒና
መውፂኢ ሲኢና
ንቁልቁል ጥሒልና:
ዝሞተ ሞይቱ ዝቀረይና
ዘይንስና መሲልና
ስደት ዓዲ ጋና
ትረግፁና ተጨማልቁና
አሜን እናበልና
በደልን ግፍዒ ተፃዊርና
ትነብር ረጊእና:
ኸምዘይተጎዳእና
ኸምዘይተዋረድና
አብ ኸብዲ ቃፂርና
ደሰ ኸይብሎም ፀላእትና
እረ እናጣዓመ
ኽምስ እናበልና
ግዜ ዘምፀኦ ግዜ ኽወስዶ
እናተፀበይና
ጫፍ ገደል ምስበፃሕና
ምርጫ አልቦ
ብረት ምስዓጠቅና:
እንትንዕወት
ድሕሪ ኽንደይ ዓመት
ደቂስብ ምኻና
ምስኣመስከርና:
ብደምና ዝጠልቀዩ
ፀላእቲ እንትንምሕር ዝርዪ
ምእማን አብይዎ እናበኸዩ
ስብዶ መላእኽት ነብዩ
እናበሉ
እንትምሕሉ
እንትጥሕሉ:
መሲሉና
ድሕሪ ኺናት ዝመረረ
ብደም ዝሰኸረ
ርእየተ ዓለሙ ተቀየረ::
ለካስ ኢሉ
ወትሪ ኢሉ
ይጽበይ ኽሳዕ ዝወግሓሉ
ኽጫድር ኸም አመሉ:
ይሄው ሰላም ምስነገሠ
ሰብ ምስደቀሠ
መጽኦም ኽሓዱኻ
ዲያብሎስ ጎራብትኻ:
እዙይ እናፈለጥካ
ሕዝስ ድሕር እንተበልካ
እንታይ ይመስለካ?
ብ ተመስገን ከበደ