አብ ሜዳ ቲዲኤፍ ብድብያ
አብ ልዝብ ፕሪቶርያ
ናይ ህወሓትሙያ
ብውሕሉል ቅያ
ተፈፂሙ ቀብሪ ሻዕብያ
ካልአይ ቀብሪ አብ ኬንያ
ሐመድ ድበ አረጊት ውኻርያ
አነ ዝገርመኒ ናይዛ ውድብ
ሑርጭ ተበቲና ትውሕድ
ተበልዋ ብርኩታ ኮይና ትስጉድ
ጌም ኦቨር ብታህዲድ
ተአወጁ ረመጽ ኮይና ተንድድ
ጁንታ ተበልዋ ትህነግ
ተረፍ መረፍ ደርግ
ሐመድ ልሒሳ በርደግ
ክሳዶም ሐኒቓ ዓገግ
ጃንዳ ማለሊት
ካልእ መጸውዒት
ናይቲ አረጊት
መራሒ አራዊት
ዝበልኩም በልዋ
ግና ‘ት ጽዋ
ካብቲ ኽባ ካብቲ ዕጽዋ
ካብቲ ጸልማት ካብቲ ጽምዋ
ብሰላሕታ ህዝብና ከጽንትዋ
‘ታ ጉድጓድ ጥልቐት ዘለዋ
መንኦም አተዉዋ
መንኦም ከ ወጽእዋ
ማእለያ ዘይብሎም ከዳዓት
ከቢቦም ከም ገዓት
ትግራይ ወሪድዋ ማዓት
ብውግእ ኦሪት ዘጸአት
አብጺሖምላ ጉድአት
ዘይሐዊ ሕማም መንደዓት
ድላይኩም በልዋ ህወሓት
ብደፋር ሐላፍነት
ቖራጽ መሪሕነት
ሀለዋት ድሕንነት
አውሒሳ እናሀለት
ዓሚ ቅድሚ ዓሚ
ከምዝ ሎሚ
ዓለም ብዓለማ ንርእሳ ጥቕሚ
ህዝቢ ትግራይ ከተጽንት ብአልማሚ
መሪሕነት ብብልሐት ብትልሚ
አምኪንዎ ርዅስ ሕልሚ
ካብዚ ዝዓቢ
‘ታይ አሎ ገራሚ
ነዚ ብልሒ ዘይተረድኤ ትግራዋይ
ተማሂረ ዝብል ሐንጎሉ ጠዋይ
ተንታኒ ባሀላይ ጎናይ
ጋዜጠኛ ‘የ ባሃሊ ግናይ
ዕጥቂ ከይተፈትሔ ዋይ ዋይ
ብመሰለኒ ጽውጽዋይ
አደዳ ጸላኢ አፋላላይ
ሞፍቶ ተመን መንደላይ
ካብቲ ሜዳ ዘሎ ተጋዳላይ
አነ ‘ፈልጥ ባሀላይ
ነብይ ዲኻ ጠንቋላይ
ወይስ ከምቲ ዓሻ ሀላይ
ጥራይ ማዓኮርካ መን ከማይ
ህወሓት ደጋጊማ ስለ ተሰወአት
ተቖጺሩ ከም ኽሐደት
ሰፍ ዘይብል ውርደት
ሕቶ ‘ተለካ ሕተት
‘ታይ አምጽኦ ክተት
መለኸት ክፍተት
ናይ ቀደም ጌጋታት
ዝፈጸመቶ ህወሓት
ዝዋዓለቶ ሐጥያት
ብዝቐነየ ዝኽሐነ ጽልአት
አብዛ መወዳእታ ሳዓት
ምዝርዛር ምህውታት
ትርፎ ጉድአት
ጠቕሊልካ ጥፍአት
የለን መኽሰባት
ከምቲ ምክልኻል ሐይልታት
መሪጹ ቦታታት
ወሲኑ ግዜታት
ዘጥቕዕ ንዓወታት
ገሊኤን ውድባት
ስልጣን ንምግባት
መሪጸን ነዛ ሳዓት
መርዚ ይተፍኣ ብዘይ ሕፍረት
ግና ናይ ህዝቢ ንብዓት
ብናይ ተጋዳላይ ጽንዓት
መወዳእትኦም አብ ታሪኽ ቅርዓት
አቱም ሚድያታት
ጸጉሪ ትሰንጥቑ ካይላታት
በለካ ለኽዓካ ቃላት
ይጽናሓልኩም ዜናታት
ኩሉ ጊዜ ትስዓር ትግራይ
ነንባዓዕላ ምስ ትባላዕ ጥራይ
እምበር ብጸላኢ እራይ ምራይ
ብናይ ደገ ጸላኢ ዘራይ ወዲ ዘራይ
ተሰኒፉ ነይፈልጥ ትግራዋይ
ስለዚ አነ ብወገነይ
ዝነበረኒ ቅርሕንተይ
ገቲኤ ስምዒተይ
‘ዛ ውድብ ትቐንየለይ
ግና ሐደ ነገር ዘየማትእ
ብስም ሕድሪ ስዉእ
ትግራይ ዝአተወ ከይወጽእ
ዝወጸ ‘ውን ዳግም ከይመጽእ
ነዃል ከይትህሉ ዓይኒ መርፍእ
ትደፈን ትመላእ ብመላእ
ኲናትን ውግእን ይወዳእ
ብውግእ ወረ ውግእ
ትግራይ ዳግም ከይትሰግእ
አለኹ ንበላ ነዛ ውድብ
ኹሉ ጌጋታታ ብእኩብ
ንክንእርም ብእዱብ
አብ ሳዓቱ ክንጻባጸብ
ህጂ ግን ንተአኻኸብ
ህዝብና ጠፊኡ በብቑሩብ
ዝተረፈ ክድሐን ብዕቱብ
አቱም አሕዋት አሐት
ስግር ሩባ ዘለኹም ደቀባት
ሽምኩም ደለይቲ ፍትሒ
ገሪሙኒ ‘ት ናትኩም ብልሒ
አለሊኹም ናይ መለኽቲ ሽርሒ
ትማሊ አብታ ፈለማ ወርሒ
ትግራይ ትስዕር ብፍትሒ
ኢልኩም ብዘይ ፍርሒ
ሎሚ ‘ውን ተኾነ አብ ዘተ ሰላም
ሸተት ከይበልኩም ከምቲ ጠላም
ዘየማትእ መትከልኩም ጽኑዕ ቁዋም
ትግራዋይ ዘበለ ገሪምዋ ኩሉ አዳም
ድሕሪ መላኪ ብሩህ ‘ዩ መጻኢኹም
ንዮ ኔጆ መረብ ኩሉ ሰብኩም
ንሱ ‘ዩ ‘ት ሓቂ እዚአ ወዳሐንኩም
አለና@2013
ሕዳር 2015